وإنتي الوردة اللي بنورها قايد عمرنا
من صغرنا وإنتي الحب اللي بيروينا نشرب منه نخب
المودة والمحبة والتسامح والسلام والسلامة لقلبنا
من صغرنا واحنا بنعشق كل حاجة حلوة فيكي ياعمرنا
من صغرنا رغم جراحنا كنا نفدي بروحنا بعض بدمنا
وكله كله عشان خاطر بنحبك وحبك الكبير لينا
من صغرنا بنجري جري عليكي نشكي ليكي فرحنا
وأي حزن بيجي جنب مننا
كنتي بطبطبي على قلبنا تطلع شمس النهار الحلو يضحك فرحان نقولة في الدنيا دي مافيش حد زينا
من صغرنا عبيرك الفواح في وسط دارنا بيلمنا
ونشكي لمين ومين يسمع شكوانا غيرك انتي ياكل أيام عمرنا
ومين غيرك إنتي مين يمسح عنينا لو شاف دمعنا نزل مرة علي خدنا
من صغرنا وإنتي الحبيبة إنتي الطبيبة لكل شيء هنا
انتي الورد وعبيرة ياقلب دافئ بحضنة الكبير يسعنا كلنا ويضمنا
بقلم عبد المنعم مرعي
ليست هناك تعليقات:
إرسال تعليق