حبي ليها كان خطيئة
كان هواه أكبر أذية
أيوه قلبي عاش ف ضيقة
بس فاق م اللحظة ديه
كت ف بحره الروح غريقة
ليل نهار تترجى فيا
أيوه هيه دي الحقيقة
عمري عشته معاه ضحية
كان هواها وشوقها ليها
عمر مرة ما حسوا بيا
عاملة فيها ملاك بريئة
في الخداع أستاذة هيه
كان عذابها بميت طريقة
كت كمان تهوى الأسية
كنت صافي وكت خنيقة
غيه فيه ينكد عليا
كت بكلمه تئيد حريقة
من مفيش تعمل قضية
كنت عايش عمري ليها
كان جزائي دموع عنيا
كنت عاشق مشتريها
ليه ظلمني وجه عليا
كنت أخاف أجرح شعورها
كت ف جرح الروح جريئة
ايوه كنت زمان أسيرها
بس فقت ف يوم وليلة
بكره لازم ييجي دورها
تنجرح وتعيش ذليلة
بكره قلبي يلاقى غيرها
حب غالي بدون خطيئة
ألقى ليا عيون بريئة
حب وخطيئة
بقلمي/ خالد جمال ٩/١١/٢٠٢٥
ليست هناك تعليقات:
إرسال تعليق