فتل حبال. المشنقة
واربط. الخية وشد كمان
وزود عددهم بالقوي
اصل الفقير ملوش أمان
تملي لسانه طويل
وساعتها المستخبي يبان
طيب ونجيب منين مدافن
احفر حفره تلم كل العافن
مين هايدور عليهم
وشخلل قوام للدافن
عضم الفقير مالوش تمن
والعفن عل اللي اندفن
وقوم رقي كدا الدافن
خلي الدنيا تروق
وتخف بقي الزحمة
عشان اللي باقي يعيش
اصل في قلوبنا رحمة
وبدل ما تعلف بالفول
زغطهم بقي اللحمة
طيب سياسة شد الحزام
اهي جايبة نتيجة
لا يا شويش خلاص
دي بقت موضة قديمة
واللي مش عاوز يموت
اديله بالصرمة القديمة
انا قولت بكره تشوفوا
شكل بلدنا الجديدة
بس من غير فقير عافن
بقلم
احمد محمود
ليست هناك تعليقات:
إرسال تعليق