ياللي بنيت ف الهوى أوهامك
رد عليا يا قلبي اسمعني
ياللي زرعت المر آلامك
تجني جراح ف الروح توجعني
كنت فاكرها عاشقة غرامك
عشت بحيرتك بتلوعني
حاسة بكل معاني كلامك
كنت بجهلك بتطمعني
ياما قلتلي بتدوب ف هيامك
عيشتني ف خيال متعني
لو بالعين بتحس سلامك
فوق ف السما كنت مطلعني
بكره هتتحقق أحلامك
كل الكون ده ما كان بيسعني
بعد ما ضاع العمر يا غالي
جاي بسهولة وبتودعني
جاي دلوقتي تقوللي أنا مالي
ليه ف الهوى كنت بتخدعني
ورطتني وما كانش ف بالي
إن كلامك هيضيعني
سهرتني أيام وليالي
وأنا موهوم والوعد طاعني
شربتني ف الهوى حرماني
كاس مسموم كنت تجرعني
بس خلاص هنسى اللي جرالي
شرط إن انت تعيش مطاوعني
أما جراحي وحسرة حالي
ربي عليها أكيد هيعيني
اسمعني
بقلمي/ خالد جمال ١٧/١١/٢٠٢٥
ليست هناك تعليقات:
إرسال تعليق