..........................
مع موج البحر اللي معدي
وبيجري يروحلك مايهدي
وانا بين تنهيدة والتانية
ودموع أحزاني
اللي مجفت ولاثانية
قاعده هنا ليلاتي وبستنا
مراسيلك الجايه من عندك
تحكيلي واحكيلها مشاكلك
وكل شئ عني وعنك
ومعاها بشوف طيفك بتمني
ترجعلي بالسلامة
لجل مروحي بروحك تتهني
علي شط الاحزان
ليلاتي بتخيل طيفك
مع موج البحر اللي معدي
وبستنا مراسيلك الجاية
بقراها في عيونك
واسمعها بدموع عنية
ياموج البحر
يامسافر خد لي معاك اشواق
حبي وفؤادي لحبيبي
وعليه روح نادي بشويش
قبل ماتراوح وتغادر بلغ للغالي
سلاماتي
وحيات سنين عمرنا اللي عدي
وفات قولة ياموج حبيبي
على حنيني أنا باقي
ومهما كان البعاد غادر
وعلينا قادر
يبعدنا ويعاند فينا
أنا برضة بحبة وهستنا
وهصبر قلبي علي غيابه
وعليه هقدر
اهزمة ومهما يعدي
من العمرعلينا ويفوت
هاصبر واتقوي لوبموت
وامانة ياموج البحر
يامروح هتلي معاك افادة
تطمن قلبي وتسوح
جميع لااحزان
بقلم عبد المنعم مرعي
ليست هناك تعليقات:
إرسال تعليق