سيبك م اللي يقولك باع الود
خلاص هيسيبك
سيبك إياك تسمع تاني لحد
غير لحبيبك
عشقك عدى وفاق الحد
حبك قدري وقلبي نصيبك
غمٌِي عيونك سمعك سد
اوعى تشك ف حب حبيبك
رد عليهم قولها بجد
راضي بحبي وقلبي راضيبك
اوعى تشمت منهم حد
ترجع تندم تشكي لهيبك
دول عايزين عشقنا يتهد
ياخدوك مني وتنسى حبيبك
يخلقوا بينا الجفا والصد
يبعدوا ضمة ايدي عن ايدك
مهما سافرت وطال البعد
عمر ما قلبي ف يوم هيسيبك
داحنا سنين عمرنا تتعد
ليه تضيعها وقلبي ف ايدك
مهما يقولوا غرامنا اشد
قلبك نبضي ودمي وريدك
دانت دفايا ف عز البرد
ايوه يا عمري شاريك وبريدك
سيبك
بقلمي / خالد جمال ٢٢/١١/٢٠٢٥
ليست هناك تعليقات:
إرسال تعليق