🖤:::::::❤️:::::::💜:::::::🤎
بحاول أزرع حلم
بين إيديّ
بس لما يشتدّ الحنين
النّعاس يسرقني
لممرّات عيونك
وأغفو على صوتك
كطفلة لقت صدرها
الآمن بعد خوف طويل
يا رؤيا تتسلّل
من بين جفوني
وتسكبني نور
على ملامح المساء
كوثرِك بيجري على وجهي
يمسح تعب العمر
ويغسل الغياب من روحي
صنعت من عيونك
بحر أسكنه
ألقي فيه همومي
وأرجع خفيفة مثل نسمة
كلّما عطش قلبي
أو احترق
بهرع لعندك
ففيك مائي وناري
ونجاتي وضياعي
يا سر العافية
لما تضيق الحياة
يا لحن الفجر
في أغنية العمر
بك بتشفى جروحي
وبك بتعلّمني كيف
ابتسم وأنا برتعش
بحبك مثل ما الضو
بحب نافذته
مثل ما الورد
يشتاق لمطره الأول
مثل الأغصان بتشتعل
لما تمر فيها الريح
حبّنا مش شبه حدا
ولا بيعرف للحدود طريق
لما بتبتسمي
بتتغيّر جغرافيا روحي
تزهر الأماكن حوالي
ويصير الصمت موسيقى
ويصير الهوا مليان فيكي
أكتر من الأكسجين
يا امرأة لو شميتيها مرة
مش رح أحتاج هوا بعدين
يا انت دفى الروح
لما يخذلها الشتاء
ويا أمان القلب
لما يخونه العالم
ذكرك ساكني
كوشم ما بيبهت
كصوت ما بصمت
كحب كتبه الله
قبل ما تخلق اللغات
بحبك
بهدوء أحيانًا
وبجنون أحيانًا تانية
بصمت يشبه الصلاة
وبعطش ما بيرويه
إلا إنتي
ولما تغيبي
بصير نصّ إنسان
ونصّ ظلّ يدور
عليك بالمرايا
بتلمّس ريحتك على الأشياء
مثل اللي بدور على الدفى
في رماد لسا ما برد
يا أنثى، مثل الورد
لما يخجل
والمطر لما يقبّل الأرض
يا من بصوتها
ترتجف الحروف
وفي صمتها يهدأ الكون
كم مرة جيتي بحلمي
وصحّيتي قلبي مش عيوني
كم مرة قلتي لي
"ارجع لعندي"
ورجعتلك من نفسي
من حزني
من عالمي كله
كل التفاصيل
بتنطق باسمك
حتى الليل
لما يطول
بيهمسلي:
ما رح ينام قلبك
قبل ما تشوفيها
بحبك لأنك تشبهين
الدعاء المستجاب
والقدر الحلو
اللي تأخّر نعرفه
بحبك لأنك
خليت العالم يحتمل
وخليتني أحتمل نفسي
وفي حضنك
بينتهي كل خوف
وبتبدأ
كل الأشياء من جديد
ولما تغيبي
بجلس على عتبة الشوق
أتنفس عطرك من الذكرى
وأرسم وجهك
على نوافذ الليل
يمكن تمرّي صدفة
بين الحروف
أحنّلك مثل ما
يحنّ القلب لنبضه
مثل البحر لموجه الأول
مثل الأصابع لدفى يدّها
لو تعرفي
قديش أشتاق لضحكتك
اللي تفتح جواي
نوافذ الربيع
وقديش أشتاق
للحن لصوتك الرنان
لما يتسلّل لقلبّي
مثل آية من الطمأنينة
بحبك
حب يليق بالجنون
حب بيضجّ بصدرّي
مثل أغنية ما بتنتهي
حب ما بيشيخ
ولا بيهدأ
ولا يُنسى
ولا يفنى
آه إنتِ
قصيدتي
اللي ما بتنتهي
وعُمري
اللي بيبدأ كلّما ناديتك
♡حُبّي♡
ورح ضل أحبك
مثل ما تكوني آخر امرأة
على ضفاف الحلم
وآخر نغمة بوتر القلب
رح أحبك
رغم المسافات
ورغم الفصول
اللي ما تعرفك
ورغم الليالي
اللي ما بيجي فيها طيفك
رح أحبك
لما يشيخ الزمان
ولما تتعب الذاكرة
من حفظ اسمك
ولما تصير الأيام
رماد منسي
رح أحبك
لأن الحب فيكي عبادة
ولأنك وحدك الدعاء
اللي ما فارق لساني
ولأنك الوطن
اللي كلّما ضعت
بلّشت ألاقي نفسي
فيه من جديد
وإذا ضحكتك
مرّت من بعيد
تنور الدّروب
اللي كانت سودا
وتخلّي قلبي يرقص
حتى لو العالم كله ناسيّا
وإذا مسكت إيدي بإيدك
بحس إني ما بخاف شي
ولا الليل ولا الضباب
ولا الأيام اللي بتتعب
وفي حضنك
كل دمعة بتصير وردة
وكل وجع بتصير أغنية
وكل لحظة غياب
بتصير وعد للقياك
وبكره، لما نطلع
على الشمس
رح نضحك
على كل لحظة خوف
ونغني سوا للحياة
ونزرع أمل جديد
مثل ما زرعناه من أول
☆:::◇ق♡م◇:::☆
✒️بقلمي سمير مصالحه
🔸️ابن كفرقرع🔸️
🔹️٠٢/١١/٢٠٢٥🔹️
ليست هناك تعليقات:
إرسال تعليق