اوعى تفكّر قلبي إن حبك
سهل عليك ف الكون تعويضي
أو علشان طيب وخضعلك
يبقى خلاص ضيعته بإيدي
قبل ما قلبي يهون على قلبك
هتهون لو شايلك ف وريدي
حتى العين لو شايفة بضيك
همشي ضرير وعصايتي ف ايدي
قبل ما ترمي رسايلي بيدَّك
هحرق كل جواب ف بريدي
قبل ما تنسى الوعد وعهدك
هنسى معاك سهري وتنهيدي
لو فكَّرت إن انت ف بعدك
هشكي مرار توهتي وتشريدي
انسى القلب يتوه من بعدك
يوم ما هتبعد هيكون عيدي
يوم ما هتغدر وتبيع ودك
هقدر اداوي وجيعتي بإيدي
اعمل كل ما هوه ف بدك
قلبي الحر ده عمي وسيدي
عنده يموت ولا يرضى بذُلَّك
دانا ف الأصل يا عم صعيدي
بقلمي/ خالد جمال ١٨/١١/٢٠٢٥
ليست هناك تعليقات:
إرسال تعليق