سيبني اتملى ف سحر عيونك
سيبني أعيش جواها ف كونك
لو غمضت دقيقة يا عمري
ببقى شريد أنا بره جفونك
سيبني أتأمل ف الخدين
سيبني أدوب ف الغمازتين
أصلي مسلم ليهم أمري
أصل جمالهم يملى العين
سيبني أهيم ف الشعر الهايل
زي الليل على ضهرك سايل
لو مجدول بيشاغل قمري
واما يطير بيسوي هوايل
سيبني أحارب جوه رموشك
سيبني أصارع فيها جيوشك
قلبي اتصاب ومالوهشي علاج
اما الروح جرحتها خدوشك
سيبني اغازل ف جمال قدك
قد مالوهشي مثيل من بعدك
يسلم يابني بديع سواك
رب اختصك بيه ولوحدك
سيبني ارتوي من الحسن وأشبع
سيبني بكل ما فيك اتمتع
دانا يا حبيبي عشقت ملاك
فوق عرش الجميلات متربع
سيبني
بقلمي/ خالد جمال ١٠/١١/٢٠٢٥
ليست هناك تعليقات:
إرسال تعليق