كلام القلوب
الشفايف وهمس الشفايف
آه يا ناس من همس الشفايف
لما كان. حبيبي في حضني
وأنا وهو ولا حد شايف
يومها أنا دوقت الحنان
يومها حبيت الزمان
يومها حسيت بالأمان
وأنا اللي طول عمري
عشت خايف
يا حبيبي ما تسيبش حضني
خلي حضني هو بيتك
انت عارف انا بعت عمري
عمري كله واشتريتك
خلي نار الشوق في قلبي
تمللي قايده بشهد زيتك
عمري عن حبك ما اتوب
حبك هو أحلى الذنوب
هو فيه ذنب يا عالم
أقوى من حب القلوب
حبيبي تعالى نغني
نعزف سوا أحلى الغناوي
دى الحكاوي مشتاقة لينا
تعالى نحكي أجمل حكاوي
وإن نسيتني أنا حابقي ذكري
وتبقى حبيبي على موتي ناوي
بس أنا عليك مش حاهون
لأني من الآخر حبيبك
ومهما تقلت على والله
حابقى في الآخر نصيبك
أرضى بنصيبك وتعال ياله
هنا حبيبي في حضن حبيبك
يحيى حسين القاهرة
29 ديسمبر 2018
ليست هناك تعليقات:
إرسال تعليق