كان شوقي ف قلبي مخطِّي سحاب
كان عشقي معاه كروان شادي
طلعت أشواقي غيوم وضباب
والعشق كمان ويل بينادي
بتقوللي ياريت نفضل أصحاب
بلا شوق وغرام وكلام فاضي
بتقوللي زمانه ده ولَّى وغاب
مابقاش موجود في الدنيا دي
بتقوللي ده وهم وزيف وسراب
مستغرب ليه ماهو ده العادي
بلا حيرة وغيرة ولوم وعتاب
ودموع ف العين كاوية فؤادي
دلوقتي مفيش حب وأحباب
فيه غدر وهجر وشوق سادي
خلينا نعيش ف العمر يومين
أتمتع بيك وألقى مُرادي
ليلة عندك ليلة عندي وليلتين
نسرقهم م العمر الماضي
بصيتله بحسرة وقلبي حزين
على وقت معاه ضاع ع الفاضي
كنت مفكَّره شوق غالي ثمين
طلعت أرخص م الدنيا دي
قولتله دانا قلبي عليا أمين
ومحال هيعيش بالطريقادي
دانا قلبي لجسمي لا يوم هيلين
ولا عقلي كمان هيكون راضي
سبتها وأنا كلي جراح وأنين
والقلب واخدني لميت وادي
بس همستله كده يابني حزين؟
ردت دقته ده عليك راضي
بقلمي/ خالد جمال ٢/١٢/٢٠٢٥
ليست هناك تعليقات:
إرسال تعليق