باعني خانِّي وبعد مني
عاش حياته
سابني اعاني ف بُعده عني
ويل ساعاته
شانِّي هانِّي وقلّ مني
وعشقي شاطُه
عشت لِيه كما طير يغني
وعاش لذاته
قلبي شاله ف عين ونني
وكان جزاته
إنه داق ظلم وتجني
معاه ف حياته
كان مرار القسوة نبعه
وكان كاساته
جوه دمع ونوح سجني
بجرح فاتُه
وسط بحر الخوف
حدفني فِ دواماته
زاد ف أسر الروح
وعلَّى ف بواباته
وبقنابل ويل رماني
بحوَّاماته
وبرصاص الغدر صادني
بقناصاته
بس بكره مسيره يندم
طول حياته
لما ع الأوجاع هيصحى
وفيه يباتوا
لما جرح الروح
ما يشفى ليوم مماته
لما ظلمي يكونلي
شاهد يوم وفاته
أصله داس على حلم قلبي
وذكرياته
أصله خد من عمري
ومعاشي بحياته
بقلمي/ خالد جمال ٢٤/١٢/٢٠٢٥
ليست هناك تعليقات:
إرسال تعليق