هسيبِك وهرحل
عشان يبقى أسهل
عليكي ان تنسي الآلام والأنين
عشان تِبقي أفضل
وأروع وأجمل
وتمحي بفراقي عذاب السنين
مادام ده اختيارك
وكان يوم قرارك
هسيبك وهطوي ف قلبي الحنين
مادام ليك رغبة
تبيعي المحبة
ده سهل اني أبيعك ولَو كنتي مين
مادام بعتي فجأة
وعندك ما فارقة
هسيبك وهمشي ولا أعرف لفين
وعمري ما هندم
هعيش بكره وأحلم
وإنسي إن قلبي يبات يوم حزين
هسيبك وبكره
يا ريت تبقي فاكرة
دموعك هتسكن ف قلب وف عين
هترجع بتشكي
ومجروح بتبكي
وتنده عليا بصوت فيه أنين
عشان عدى زمنك
ورخّص ف تمنك
ما أصل الحكاية سلف ويا دين
بقلمي/ خالد جمال ٢٨/١٢/٢٠٢٥
ليست هناك تعليقات:
إرسال تعليق