حَمَلْت القلم وعَمّ يرجف بيدِّي
لإكتب شعر ولي بهالقلب فَضِّي
وعن كلام الحب تشتتوا الأفكار
والحبيب سافر وما حدن حَدِّي
وما عدت بالحب إكتب الأشعار
وحروف الشعر وين حتهدِّي
وبيروت صارت ملجئ الأشرار
والحُكم متل الحديد لِمصدِّي
وزواريب كلها مراكز وأوكار
وفساد عم يزرع أفكار مرتدِّة
حْكِيتْ يا وطن لتمزقوا الأوتار
وصوت الحق مش كتير بيوَدِّي
يا ريت حدا بيشرحلنا شو صار
وليش الأسى والظلم والحِدِة
والناس عم تبكي عباب المطار
بدها تطير من دون ما تْهَدِّي
والفساد عَمْ وعِميت الأبصار
والغلا بيطلع وما إلو ردة
وكل الحق على التجار لكبار
أموالهن مزاريب وما إلها سدِة
والشعب يا وطن عايش ومحتار
وبعض الناس عن الدين مرتدِّة
وعوائل من الجوع عَمْ تنهار
ومن كتر الظلم الناس محتدِة
ليش يا وطن كل هالشي صار
كل عمرك حنون وقلبك منَدِّي
وكل عمرك على شعبك تغار
ومن جناك تعطي لما يقول بدِّي
وصرنا نتعامل كإننا كُفار
ودولة ما ماخدة الموضوع جدي
والراتب الشهري لإنسان فردي
ما بيتجاوز ٣٠٠ دولار
بقلمي إسحاق قشاقش
ليست هناك تعليقات:
إرسال تعليق