غدرتي بهوايا وخنتي الحنين
طعنتي الحنايا بخنجر خشب
وجبتي الحكاية ف قسمة ونصيب
وكان لِك معايا حكاوي العجب
بكدب ورواية عشان بيه تسيب
وتخلى بهوايا بعشق انكتب
عشان دمع قلبي تزيده بنحيب
عشان فيه وفيا تئيد اللهب
ما كان م البداية تجافي وتغيب
تفارق سمايا تتوه ف السحب
صارحتِك بحالتي بحق وحقيق
رضيتي ووافقتي وصدرك رحِب
وقلبك وعدني هيمشي الطريق
مكمل معايا بنبض اتوهب
وأول ما بانله غرام بيه يليق
نكرني ورماني وفاتني وهرب
شيطانِك غواكي وكان لك رفيق
غدرتي بهواكي عشقتي الدهب
وبعد أما سابك ف نص الطريق
وفاتلك عذابك وحسرة وألم
فمن تاني راجعة لقلب الحبيب
تقولي إني آسفة وحاسة بندم
تقولي إن حقي لا يمكن يضيع
راح أخده بهداوة ف قعدة عرب
ده قلبي اللي حبَّك بقالك غريب
وشوقي اللي خدني عليا اتحجب
ومات فيا عشقِك وشوق كان وليد
خلاص فيك ما ينفع ملام أو عَتَب
وتوب المحبة اللي كان مِلك إيد
قطعته بخداعك وصار لي الكفن
ده ظلمك كواني بنار فيه وحديد
وقلبي اللي عِشقَك ده مات واندفن
فلملم في دمعك وهات فِ النحيب
وزور قبر قلبي في طلعة رجب
بقلمي/ خالد جمال ٩/١/٢٠٢٦
ليست هناك تعليقات:
إرسال تعليق