انا انسان ما ليش بكره
وبكره دا قالي أنساني
ومهما تلف ومهما تدور
عمرك ما تلاقي عنواني
عايش تملي مجني عليه
والدنيا عملتني انا الجاني
حزين والهم دا راكبني
والدنيا دايسه وظالماني
سنين راحت سنين عدت
وشيب الشعر دا غطاني
وياما حلمت كتير احلام
لكن ضاع العمر ف ثواني
وبعد العمر ما عدي وراح
ما فاضلش غير أحزاني
وانا والحزن بقينا اصحاب
وناسي واهلي وخلاني
عشمان في رب كريم حنان
يبدل لي كل احوالي
يرزقني بفرحه ويا السعد
والحزن يغير عنواني
تعبت يا دنيا والله خلاص
راضيني في اخر ايامي
ولا خلاص ها تنسيني
واكون أسير لأحزاني
وأفضل عايش بدون بكره
ويومي دا اخر. ايامي
والأبيض بقي لون لبسي
واللحد دا هوا بقي عنواني
وانا وانتي وباقي الايام
مش راجع تاني لأحزاني
ولو ها نعد ونتحاسب
حساب ملكين يا ظالماني
وانا هاكون المجني عليه
وانتي الجاني و سجاني
بقلم
احمد. محمود
من ديوان. بنا حروف
ليست هناك تعليقات:
إرسال تعليق