انا لا كُنت أدبى ولا علمى
ولا كُنت غاوى مجال الدراسة
شهادتى من الدنيا أُمى
وكل دروس حياتى ف الكُراسه
مدرسة الحياه دروسها ربانى
تعامل عقول كل البشر
اللى فاهم واللى بيِعانى
ف عز الشمس او تحت الشجر
أول ما نطقت قُلت أمى
أول مكتبت كتبت أسمى
أول مافهمت فهمت ألمى
لما إتطعمت لأمراض الوراثه
كل جيل له بدايه وعلامُهُ
جيلنا بدأ من لوح كُتابه
كتاب الله بأغلى كلامُهُ
فتح العقول على أبوابهُ
سهل الفهم والمعنى بكل سلاسة
فهمت الحياه بكل التجارب
فعلى وعملى بكل توضيح
مهما خسرت حققت مكاسب
فى كل أزماتى كنت بحاسب
نفسى بكل صراحه ووضوح
مدرسة الدنيا ليها منهاج خاص
طول ما انت عايش بتتعلم
وخبرة المُعامله مع كل الناس
فيها دفتر إستلام و تسلُم
وفيها شهادة جواك وتصريح
ح تعيش فيها تلميذ ومُعلم
........................................
...... د/ حسن الشوان 🇪🇬 ......
ليست هناك تعليقات:
إرسال تعليق