بقلم/نشأت البسيوني
في لحظة معينة الانسان يلاقي نفسه واقف قدام اختبار ما خططش له ولا اختاره ولا كان مستعد له اختبار يكشف اصله مش منظره يكشف معدنه مش كلامه يكشف ثباته مش ادعاءاته لان الحياة ما بتديش انذار قبل ما تقلب ولا بتدي مقدمة قبل ما تغرزك في عمق الموقف اللي يعرّي حقيقتك كلها ساعتها بس تعرف انت قوي ولا لأ مش لما تكون الدنيا ماشية معاك لكن لما تلقي نفسك
قدام حاجة اكبر منك بكتير ومفيش غيرك قدامها ضد الانكسار مش معناه انك ما تقعش ضد الانكسار معناه انك تقوم حتى لو ايدك بتهتز وضهرك واجعك وعقلك مش قادر يفكر سليم تقوم لان جوه قلبك صوت بيقول لك انت اتخلقت عشان تواجه مش عشان تنهزم انت اتخلقت عشان تكمل مش عشان توقف انت اتخلقت عشان تكون اقوى من كل حاجة حاولت تكسر فيك الانسان اللي ضد
الانكسار مش شخص خارق ولا ملاك ولا بطل اسطوري الانسان ده غالبا اكتر واحد شاف وجع شاف خذلان شاف نهاية احلام وشاف ضياع فرص وشاف ناس اتغيرت عليه بدون سبب لكن رغم كل ده كان عنده سر محدش يعرفه كان بيكمل ورا كل باب مقفول ورا كل سقوط ورا كل خيبة لانه فاهم ان الانكسار مش حدث الانكسار حالة ولو رفض يعيشها عمرها ما تسيطر عليه ويفضل ماشي
بحقيقته بخطا ثابتة حتى لو الطريق كله عكسه حتى لو الكل شايفه بيغامر حتى لو هو نفسه ساعات يشك في قدرته لكن طول ما القلب واقف ما فيش قوة في الدنيا توقعه وفي يوم من الأيام كل ضربة كانت بتوجعه تتحول لسطر من سطور حكايته وكل تعثر كان بيألمه يتحول لعلامة قوة وكل لحظة ضعف تتحول لشهادة انه عاش بجد وحارب بجد وكسب نفسه قبل ما يكسب الدنيا واللي
يكسب نفسه مفيش قوة تقدر تكسره وفي النهاية ضد الانكسار مش صفة ضد الانكسار قرار يتاخد كل يوم كل دقيقة كل ما حد يحاول يقلل كل ما الحياة تضيق كل ما الظروف تعاند القرار البسيط اللي بيقول مهما حصل انا مش هتكسر انا هقوم تاني اقوى وادق واركز لان الحياة مش للمنكسرين الحياة للواقفين لحد اخر نفس حتى لو اتهزوا حتى لو اتوجعوا المهم انهم يفضلوا ضد الانكسار
ليست هناك تعليقات:
إرسال تعليق