عبدالمنعم عدلى..مصر
إبكى ياقلب
وعل الصراخ
على هم مكتوب
بين الضلوع
والسماء تنعى النجوم
أنا اللى صابر
وصبرى صابر
على الصبر
وإشتكى منى الصبر
حزين ياقلب
والدمع ملئ العين
على حال السنين
إتغيرت الدنيا
ومالت عليا
إبكى ياقلب
وعل الصراخ
وخلى البكاء نواح
على هم إنكتب
بين الضلوع
آهات وعويل
والحال هو الحال
ونجوم السماء
حبلى من كثرة النواح
والمخاض يسيل
عويل الجراح
وأنا اللى صابر
وصبرى صابر
على الصبر
وإشتكى الصبر
من دموع العين
عايش فى الدنيا
حى وأنا
اللى مات
من سنين
وآاه والف آاه
على القلب الحزين
اللى مات
من جرح السنين
بقلمى عبدالمنعم عدلى
ليست هناك تعليقات:
إرسال تعليق