في الدلال والتقل اوعى
في الجمال والحسن روعة
قلبي سلم أمره ليك
وانشغلت ف لحظة بيك
يكفى يابني عذاب ولوعة
ف الغرام والعشق حاسب
كل خطوة وليها حاسب
امتى يبعد عن عنيك
امتى يرجع تاني ليك
كله ف الوقت المناسب
لو تظن فهمته انسى
أصله بحر مالوهشي مرسى
فيه تتوه ويزيد صراعك
موج بيكسر فيك شراعك
لو همسلك بس همسة
لو تظن شغلته اركن
شئ محال وكمان لا يمكن
دانت لو هتشاغله دهر
تجني خيبة وويل وقهر
م المرار هتعبي جركن
شوقي جوه في قلبي ولعة
زي نار جواه بترعى
نفسه يلمس يوم ايديك
نفسه يدارى في عينيك
يمحي بيكي جراح ودمعة
عيش عليا وهز طولك
بس خليك قد قولك
بكره هاخد يابني تاري
لما مطرك يطفي ناري
وارتوي أنا من هطولك
بقلمي/ خالد جمال ١٠/٢/٢٠٢٦
ليست هناك تعليقات:
إرسال تعليق