ثروتك ايه ياعم الفقير
معزه قايمة ونعجة نايمة
وفرختين وجوز حمير
اوصف لي زادك ياعم الفقير
يوم لقمة ناشفة
ويوم لقمة حاشفة
وساعات كتير بنام خفيف
. أوصف. لي. نومتك
ياعم الفقير
يوم على السطوح
ويوم في الطوالة
وساعات كتير تحت السرير
اصل العيال. عددهم كتير
نفسك في ايه ياعم الفقير
فض مجالس
ولا كلام امير
كلام امير
لا. مش كتير
تعيشوني قد. اللي عيشتة
وانا فقير
قصر ملوكي مفروش حرير
والأكل لحمة وحمام محشي
والزبده. بلدي مع الفطير
والمال دا روزم
جوه الدولاب. وتحت السرير
وتجوزوني اربع حريم
وأم. العيال يا عم. الفقير
يمين تلاتة ما تنام. معايا
علي الحرير
طب والعيال. ياعم الفقير
ها يونسوها ويحرسوها
انا اصلي حمش وكمان بغير
نهق. الحمار وكمان رفسني
لقيت نفسي
في قلب الطوالة مع الحمير
يا ميت ندامة
طار الحمام ويا الحريم
ويا الفطير
انا كنت بحلم حلم جميل
حلم الفير
بقلم
احمد. محمود
من ديوان حبة رتوش
ليست هناك تعليقات:
إرسال تعليق