هقول لكل المغرمين
إني ابقى مين
وان انتي مين
هحلفلهم ييجي ميت يمين
وابصملهم بشمال يمين
ان انت حبك جوه قلبي وف الوتين
عايش سنين
هكتب على خد القمر
وقت السهر
إن الغرام للروح غمر
سيل وانهمر
وان انتي أجمل م القمر
ضيك ونورك
يغنوا قلبي عن القمر
لو حتى زرجن واتقهر
وان الهيام للروح سمر
زرع وثمر
والقلب حج في وادي عشقك
واعتمر
ذنبه اتغفر
هنده على نجم الليالي
احضر يا غالي
ساعتين كده وتكون قبالي
وهات معاك كل النجوم
ساكنة العلالي
لاجل اعملك عقد لحبيبتي
اللي انبهر بجمالها حالي
على صدرها تضوي وتلالي
ههمس لأوراق الشجر
وهقولها
ضلة حبيبي
فوق ضلال كل الشجر
تحمي قلبي من الضجر
مهما رازى وفيه شجر
هم قلبي ألقاه هجر
فرح عمري يطفي جمري
من مشادات القدر
لو ف يوم هل وحضر
اتحدى بيك كل البشر
إن الجمال سيل يابني فيك
والسحر مولود بين ايديك
واللمسة غير
لمسة موهير
وشذاك عطور عدى الزهور
اجمل عبير فاح وانتشر
عدى البشر
بقلمي/ خالد جمال ١/٤/٢٠٢٦
ليست هناك تعليقات:
إرسال تعليق