حكمت فا عدلت فأمنت فا نمت يا عمر
بلا تفتيش ولا قوات خاصه ولا حراس
حكمت يا عمر وعشت وتركت لله الأمر
وانت أمير وجلبابك مهربد وسط الناس
شارب عرقك وبتتمنى من الله الستر
ومغمض عيونك وهمومك جوه الراس
آمنت النوم تحت ظل شجرة بلا غفر
وهموم الراعيه جواك عارفها بلإحساس
عدلت فى الحق بالحق بلا أى تشويش
وتشرف النوم ان تغفل وتزيده تشريف
وحركه البشر حواليك لا تهمد ولا خوف
والتراب تحت جسمك خايف ومكسوف
لا يكون خشن ويعلم فيك ويسيب أثر
وانت م المبشرين بنعيم الجنه ومعروف
عدلت يا عمر وكان العدل لنفسك عفيف
لا فضلت القماش وعشت ع أقل القليل
فرقت بين الحق والباطل باللين والسيف
وكنت الفاروق فى الحقوق وعشت ذليل
خاضع لله فى كل ابتهال ترجوه بالقبول
دموعك قوة إيمان همه فى العدل والقول
شجاعة وصمود ضد غباء الظلم والتزييف
حكمت فا عدلت فا آمنت فا نمت يا عمر
تستظل تحت ظل شجره فى أمان الله
لا بشر يحرسوك قلوبهم مبنيه من الحجر
العدل أمان وراحة بال تهدم اى معاناه
ميزان حساس فى عهد عمر مظلمش نفر
ونولت الشهادة فى موضع إقامه الصلاه
ودمك سال عطر السجاد ورحلت يا عمر
وعدل ربنا باقى وقائم على طول الحياه
د/ حسن الشوان / مصر
ليست هناك تعليقات:
إرسال تعليق