وبعدهالك يا قلبي
ماتقوللي ايه حكايتك
تشوف عيون تقول حبايبي
تقوللي دول بختك
تنام وتصحى مالاقكشي جمبي
ألقى الغرام واخدك
يومين كده وترجعلي تبكي
ماهو أصله من جهلك
مش كل نظرة تشوفها تجري
وتقول بتندهلك
ولا كل قلب تقول ده قدري
حرص لا يوم تهلك
اصبر كده ما هو لسه بدري
بشويش وعلى مهلك
بتقوللي خايف العمر يجري
دانا عمري من عمرك
عمر الهوى ماكان بأمري
لا بخاطري أو خاطرك
ده أكيد ف يوم هيحن زمني
تلقى اللي يشبهلك
تلقى الهوى أبو حب عذري
وحبيب بيستاهلك
تلقى النصيب لوحده جالك
وبعدهالك
بقلمي/ خالد جمال ١٠/٧/٢٠٢٦
ليست هناك تعليقات:
إرسال تعليق