يا وهيبه
ما غريبة نحلم نحب بكل طيبة
من بعيد نتآلف نهد بيناتنا سد
وأخاف يغريك دلالك ترجع تصد
ومرجل دموع كاويات في خد
الريدة أسرار والمحبة أقدار
لو نسارر بيه ذواتنا ما غريبة
لما تذوبي مع حروف القصيدة
بغرق أنا ويتصاعد صهيل
خيول عشقي العنيدة
عينيا ساهده ياباهية وفريدة
شايقاها شوفتك فتنته بيك
يا السارحه بيا وبالي عليك
بي الجد بريدك ومشتهيك
آسرني تورد أسيلك
وغرويد صيد عينيك
عذوبة صوتك وسحر هديلك
ياما في خاطري عبرته ليك
ما قدرته أقولك نفسي فيك
وأتعلقت هيمانة بيك
عشقته حسنك خدرني صوتك
سجلته في قلبي صورتك
نحته رسمك كتبته إسمك
وغنيتك في خاطري وندهتك
نخلة شامخة ونادي غصنك
يا النوري أصلك وعفافك طهرك
حياك توب غطاك وسترك
وبسعد لما يجيبوها سيرتك
سآلته كل الناس عليك
لقيتها هيمانة وسارحه بيك
شفتي كيف شفتي كيف
كل الناس شايلاها صورتك
في حدق عيونهم داسنو ريدك
وبتشتعل ريدا ومحبة
لما يجيبو سيرتك
الحبوب الشبشاوي
(بشير التوم إبراهيم)
#الخرطوم_السودان🇸🇩
#الشبشاوي💘
ليست هناك تعليقات:
إرسال تعليق