ياللي انت إليك روحي منحازة
وانا قلبي معاك مالهوش عازة
ماتقوللي ازاي بعشق وبهون
ما ترد يا روح قلبي لماذا
حد يلاقي م النوع ده غرام
وعيون ف هواه عمرها ما تنام
لا يحاجي عليه ولا قلبه يصون
والله يا عم ده يبقى حرام
ده القلب مسلم أمره إليك
لو تطلب عمره ما يغلى عليك
والروح لهواك عاشقة وبجنون
م الآخر كلي انا ملك ايديك
لو شاورت ع البدر هجيبه
لو نجم الليل يبقى ف جيبه
وإن طلبت أي عزيز ف الكون
راح اتني وراه عمري ما اسيبه
دانا شايل ليك ف القلب حنين
دانا عاشقك من وانا لسه جنين
اني اعشق غيرك يابني محال
لو مهما هشوف ف الكون حلوين
هتحس الشوق امتى وتعقل
بحلم تغلط مرة وتسأل
لو على قلبي بتسوق ف دلال
بزيادة عليه يا جميل تتقل
هفضل احبك لو مش حاسس
عمري ما هزهق أو اكون يائس
لو حتى هواك كان محض خيال
أحسن لي ماعيش واقع بائس
لو مش حاسس
بقلمي/ خالد جمال ٢٣/٨/٢٠٢٦
ليست هناك تعليقات:
إرسال تعليق