لتعرف معنى الأمان
عمرك ما تكون جبان
وخليك رجَّال وجسمك صلب
ما بتعرف طعم الحرمان
وقلبك خليه أسعد قلب
مشبع بالحب والحنان
وبجدالك، ما تكون صعب
وصلِ وإسجد للرحمن
وما تضيع أيامك لعب
وتتحسر على الزمان
ومع الناس كون محب
وعندك ضمير ووجدان
وجايي الإيام وتصبح شب
وعندك قوة وعنفوان
وما تتعود على الشرب
وتلطش بنت الجيران
وطبعاً رح توقع بالحب
وفكرك حيضلو تعبان
وبكل لحظة ناجي الرب
حتى تشعر بالأمان
وإبقى ثابت على الدرب
وأوعى تفرق بالأديان
وما تتلفت شرق وغرب
واتعلم تجويد القرآن
وجهز نفسك ليوم الحرب
حتى تصمد بالميدان
وخليك أوفى من الكلب
وللثقة خليك عنوان
هيك بتحب وتنحب
وعنك بيقولوا إنسان
بقلمي إسحاق قشاقش
ليست هناك تعليقات:
إرسال تعليق