عايزة تمشي
طب ما تمشي
مش هقولِك لأ في عرضِك
اوعي تمشي
أو هسورق من كلامِك
ويشيلوني عليا مغشي
باب رحيلِك باب كبير
باب يعدي سباع وخيل
لو جِمال هيساعها تمشي
انتَ فكرَك إني بَعدَك
يبكي رمشي
فوق يا عم ما تتوهمشي
ولا ظنَك بُعدي عنَك
نار بتشوي
يبقى عقلك ما تفطمشي
ولا حزني هيمتلكني
وانام ما قومشي
دانت حزني معاك هيمشي
كل حاجة كت معاكي
في يوم بتمشي
برضو من غيرك هتمشي
شمسي بكره راجعة تاني
بالدفا والضي تشرُق
نجم ليلي في العلالي
عادي هيلالي وهيبرُق
برضو موج البحر عالي
والمحار سكناه الغوالي
مش هيهرب منه لؤلؤ
لسه يابني ماتخلقشي
اللي يلوي في يوم دراعي
جرحي بعدك لو ما راقشي
عندي أهون من خداعي
لسه روحي رابطة جأشي
مش هتقبل يوم ضياعي
امشي ايه يعني اللي فيها
امشي من غير ما تقوليها
روحي هربت من ماضيها
عيني جف الدمع فيها
كل ذكرى معاك ناسيها
حتى قلبي عليك ما لامشي
امشي
بقلمي/ خالد جمال ١٣/٩/٢٠٢٦
ليست هناك تعليقات:
إرسال تعليق