اوعى حد يقوللي بيضا
في البياض دي يا ناس فريدة
لأ يا خلق دي بيضا شمع
لو تهل في يوم عليا
بهجتي بتحضن عنيا
فرحي مروي بأحلى دمع
في الدلال معروفة هيه
في الجمال تتعدى ميه
لو وحيدة وهما جمع
البياض يا ما جاب وودى
بس هيه بياضها عدى
كل غاية وكل حد
لو لِيه وصف وكان له درجة
فايقة وصفه بألف درجة
فيه محال يبقالها ند
في الخدود وجبينها طفرة
وف قوامها عاوز له شفرة
ولشجون القلب سعد
أدرعة تسحر عيون
تضوي كما لمبات نيون
لمبة عشق ولمبة وعد
الحنان في ايديها دنيا
يشغلك من لمسة حانية
وفي هيام الروح يمِد
م البياض بتشع نور
نورها فاق بدر البدور
لو يشوفها يغيب بجد
منها تعبوا البيض وغلبوا
لو شافوها بيستخبوا
أصل بينهم جاب وبُعد
ياللي قولتوا عشقتوا بيضا
قولتوا فوزتوا بأحلى صيدة
لو تشوفوا عشقت ايه
هتقولولي الله عليه
فل يابني عليه وورد
بقلمي/ خالد جمال ٢٧/١٠/٢٠٢٦
ليست هناك تعليقات:
إرسال تعليق