.................
ماتقولولنا ياخلق ياهو
الرحمه فين نلا قيها
قاعدين وسط ناس الغل في قلوبها ماليها
عمال بياكل ويحش فيها
ما تقولوا لنا يا خلق ياهو الرحمة فين أراضيها
نسأل عليها مين شافها ونرضيها
نجري نروح عليها نشدها نجبها من أيديها
عشان الرحمة بين الناس شكلها انعدمت
وقلوب البشر سـابت مكانها ومنهم تفشت
أصل القلوب معدش صافية زي زمان
و معدش في الدنيا بشر معاها تحس الأمان
طب هو إيه اللي حصل لينا وايه جرالنا
عشان يخلينا نغدر في بعض
ونقتل ونتبهى ونفتخر
والله يا خلق كده نفخة كذابة
وخيبة ناقصه معيبة
عشان إيه شوية فلوس
كل يوم والتاني نعمل مجزرة
ونقف لبعض نعادي
يا مصغرة وكأن الوضع أصبح عادي
وكلة تباهي ومسخرة
وحياتنا بتوقف ما بتمشي وكله في الفاضي
وآخرها ايه المعبرة
دي كمان ترجع ١٠٠٠٠٠ميل بينا لورا
هو إيه خلا دنيتنا وحياتنا كده
لما بقينا من الآخر بحالة زي الزفت والخره
إيه خلانا على بعض هندوس
بالحزم يبهايم يا جاموس
بقينا بين الناس حاجة مسخره
ماحدش عاوز يكبر لحد
ولا عن رأيه يتنازل ويتراجع حبه لورا
ود كان سبب واضح وأكيد
يخلي الوضع خطير ماحدش عنده صبر
لحد لما اختفى الضمير شوف إيه اللي جرى
ياكل شيء حقير
خدنا معاه لفين وعلي فين هات ودينا
احنا بقينا مسخ منزوع من قلوبنا الرحمه
اختفت معالمها وسط الزحمة
فين ياناس بقلوب بلا إحساس
جواها ماتت الرحمه قولوا قفلنا عليها
ضبه ومفتاح من الزحمة
ياله كله يهبط بقا علشان نرتاح
من الدوشة ونارها الفحمه
بعد ما الضمير مات
والصمت جوانا بمعنى السكات
علم قلوبنا الجفا والخوف خرس اللسان
في الجوف
وكل شئ حوالينا صبح يصرخ منا آهات
يا قلوب بلا رحمه بلا إحساس
مدفونة فيكي حاجات
آخرها آية يا ترى من كل عديمي الرحمة
بقلم عبد المنعم مرعي
ليست هناك تعليقات:
إرسال تعليق