(لو شفتوها؟؟؟!!!)
لو شفتوها إبقوا
قولوا لها.
مات ال كان بيرسم
لك وردة على الحيطان.
مات ال كان بيتسكع
كل يوم العصر
عشان نظرة من عيونك
الحلوين.
جار بيتك قدام
البيبان....
مات ال كان شايفك.
نخله طالعه في السما
بتمسي على النجوم
بالليل وهو عيونه
مفنجله ....
من السهاد
سهران.....
مات كل شيء
فيه مات القلب
ال كان ديما بينبض
بالحنان.....
وبيرفرف بجنحاته
زي طير مدبوح
لو هاقادر يطير
ويعيد مروته.
وله قادر يرتاح
من الطيران....
مات الشعور فيه
وماتت كل
الأحاسيس والشعور
ومات الشوق
وماتت اللهفه
والوجدان....
لما في نهاية
عمره
لقى نفسه في
نهاية المطاف
خسران...
مات ال كان شايفك
ملكة متوجه على عرش
قلبه مع إنه كان أمير
القلوب
سلطان.......
لو شفتوها.
إبقوا قولو لها.
إنت السبب
في كل البكا
وكل الدموع وكل الأنين
وكل الوجع والألم.
وكل الهموم ال كل
يوم بتبات على الكتف.
وهو من تفكير العقل
حيران......
له قادر يعمل المستحيل.
ولا قادر ينسى
القلب ال حبه
وعايش يدوب
توهان.....
تعبان وممنوع
عليه الكلام إنه يعبر
أو يبوح عن ال
جواه وبيفضل
الصمت مع إنه
إنسان......
له حق
وأبسط حقوقه
إنه يلاقي قلب
يحبه ويحن له
ويود له ويرعاه
لو بكلمه تشد
من أذرة وتقويه
على دنيا الهلاك
وتوصله لمطلبه
في أمان.....
لو شفتوها أبقوا
قولوا لها.
لسه مكانك في
القلب وبمطرحه
زي زمان....
لاحب غيرك ولا
هايحب ولا دق
فؤاده المدبوح
في حياته
لنسوان.....
7/11/2026
بقلمي أنا
شاعر العاميه
(خيرى حسنى)
ليست هناك تعليقات:
إرسال تعليق