خدوا الحياة زى ماهيَّه.
تعاقبت علينا السنين حِقبه ورا حِقبه.
ولكل حِقبه شعب حزين .
نَفسُه مليانه حسرة وألم وأنين .
قولنا نروح فين ونسأل مين .
عليكم السلام ياعم أمين .
قال أهلاََ بالطيبين مالى أرى الكل حزين .
قولنا إحكيلنا ياشيخنا عن إللى جرى .
وإللى كان .
وأحزان وبلاوى زمان .
قال برضوا كانت أحوال طين .
اللحمه برضه كُنا مانعرفهاش .
والقدم حافى والفرشه بوص وحصير .
والأمرُ كله عسير .
والقمح قليل والجسم عليل وخلطنا القمح بالباميه وحاجات كتير تانيه .
وعليك بالخبيزة والمش .
وإعلام عامل حياتنا غش فى غش .
والكدب علنى وفى الوِش .
والحكومة عامله نفسها عاميه .
وإن قلت ياحكومة ورا عين الشمس
رحت بلاش .
الجعًِر بَعت الجيش اليمن .
وقَتلُهم كان متوقع مقدماََ .
ودخلنا فى يوم وليله .
فى حروب مُره طويله .
مع إبن إللى ما نعرفهم
وكلهم ولاد الرزيلة .
كل إللى راح اليمن ماجاش .
راحوا بعددهم وعتادهم بلاش فى بلاش . وإعلام غصب عنه يكون واطى .
لازم يزيف الحقيقه ويواطى .
والجعر عينه على رقاب الشعب ليل ونهار .
وحمزه البسيونى فى السجن الحربى
بيقول أنا الجبار .
شعار ورا عين الشمس معروف .
واللعب على المكشوف .
عندنا كهربا ودَفن حي وحريق بالنار .
ودلوعة الغرب طبعا جاتلها الفرصه .
لدغت لدغتها وقرصت القرصه .
والإعلام إنعمله وليمه .
وطرقع أغانى للهزيمه .
وكل الأشكال النِّجسه .
دلعوا الهزيمه واسمُّوها نكسه .
والشعب كله مساكين وفقير .
والإعلام بيأكلنا كلام .
بسكوت وجلاش وفطير .
والراجل يسمعنى كلمة لأ .
مش دى الحقيقة ولادا الحق .
كنا يابنى بنرقع هدوم دايبه من هدوم دايبه .
وكل مانقول السنه دى حلوه تطلع سنه خايبه .
فضلنا يابنى كدا على طول .
والحزن يطول ويطول ويطول .
خرجنا وعلينا الصوت .
علِّى الصوت علِّى الصوت .
وعلِّى وعلِّى وعلِّى الصوت .
إللى حيهتف مش حيموت .
وقلنا بقى نعيش نموت .
أنا مش فردة جزمة .
ولا إمعه ملوش لازمه .
ولا كتكوت أعيش هلفوت .
أعيش على كيفك .
واتقشف قشف على قشف على كيفك .
وأعيش فى رُعب وفزع خوف من سيفك .
لازم الحياة إللى هيَّه .
الرفاهية لازم للكل .
وعداله إجتماعيه زى الفل .
وناكل سمك بحيراتنا ومزارعنا السمكية . ونحلِّى بقى بالمهلبيَّه .
قلنا يابنى وقول معايه وقول وقول .
هيَّه كدا وحتفضل كدا على طول .
بطلنا نقول الكلامده مش معقول .
وتعودنا الفقر والقهر والعرى والجوع .
وقول للكل لا فوضى ولا ثورات .
خدوا الحياة كِدا زى ماهيَّه .
وجعلناكم لبعض سخريا .
لا رجوع لفوضى لارجوع لارجوع .
هيَّه لازم تكون كدا باشا أو بشوات .
وشوية أكابر على شوية بكاوات .
جنب أرنب وحمار وبغل وجربوع .
يهتفوا يلحَّنوا يعزفوا يهنُّوا يغنُّوا بإسمهم فى كل الربوع .
وأسمع يابنى إنت وهوَّ وهيَّه .
خدوا الحياه كدا زى ما هيَّه .
وقضُّوها ببصله وفص ليمون
وطبق ملوخية .
وحِسِّك عينك تقول مَرقه .
مالها ياخويا مَيِّة الحنفيَّه .
مجدى الدسوقى أحمد خطاب .
جمهورية مصر العربية . ٢٠٢٣/٢/٢٠
