____ يا وجعك يا امه _______
يا وجعك يا امه علينا
ومين حاسس بجرحك
و المرايا كمان حزينه
من بعد ما شافت ملامحك
ومين غيرك ح يحس بينا
ومين غيرنا يتمني ضحكك
شرايينك بتجري فينا
وحروف حزنك طردت فرحك
إيدك بقت لون الطينة
والتجاعيد إنتشرت في وشك
والقمر راح وهجر ليالينا
والغيطان مبقاش فيها طرحك
والفجر اللي كان بيصحينا
صوته إتحبس لما غاب صبحك
يا وجعك يا امه علينا
وسكوتك أقوي من شرحك
والمية اللي كانت بتروينا
جفت لما إتشرخ صرحك
وابوقردان هجر أراضينا
لما السنابل فرطت في قمحك
والطيور إللي كانت حوالينا
والكروان حزين من يوم ما لمحك
_____________________________
........... حسن الشوان ...................
ليست هناك تعليقات:
إرسال تعليق