من ذقنه وافتلو
من ذقنه وافتلو وبفهلوة ذله
طول ما الزبون جبان فى وشه كيله
ولو ناوى على موته غلى عليه قوته
وهدله بيته وبالمرض عله
فنكش واديلو وشتته فى دينه
واحى الامل جواه وواسيه فى حاله
وعشمه ببكره باختراع فكرة
يا بمصل الخرتيت يا بعلاج الكفته
واسرق فلوسه منه وشتتلو افكاره
وديون حمله وبكيه على حاله
ومن ذقنه وافتلو وبفهلوة ذله
طول ما الزبون جبان فى وشه كيله
متخفش من جاهل دا شعب يستاهل
بيحب جلاده لوكان على الباطل
ماتو الرجال متخفش والباقى بس العفش
اردم عليهم دبش حمارهم الشاطر
ومن ذقنه وافتلو وبفهلوة ذله
طول ما الزبون جبان فى وشه كيله
صادر واتصدر للى راح يفكر
يرفع عليك صوته او للكيف يعكر
سيدهم وسيدهم وداير امورهم
وواجب الطاعة للى مأشطهم
واللى راح يفكر للكيف يعكر
شنق واسجنهم بالف شماعة
الشر واهله وساعتها تندهلو
ومن ذقنو وافتلو وبفهلوة ذله
طول ما الزبون جبان فى وشه كيله
ومن ذقنه وافتلو
بقلم محمد البلاط
ليست هناك تعليقات:
إرسال تعليق