ليه تجبرها..69
ليه تجبرها تعيش معاك غصب عنها
كل شيء بالمعروف من غير ماتجرح مشاعرها
مش هاتعيش معاك غصب عنها حتى لو بكيت بدموعك قدامها
حتى لو بينك وبينها عشره مش هاتعرف تكمل معها مشوارها
ولا هاتتحصل ع ضحكه صافيه وكلمه حلوه منها
يبقى ليه الجرح والقسوه وواقف دايما في طريقها
وعايش ف عزله والحزن عندك بالجمله ومش قادر علي فراقها
اهدى واعقل وبلاش تتدخل ف مشاكل انت ف غنى عنها
خلى عندك كرامه وطلقها طلما دي رغبتها ومافيش داعي تفضل بالكلام توجعها
خاليها تشق طريقها والحياه هاتعلمها وهاتعرف مين كان بيحبها ومستعد يضحي بعمره عشانها
حتى لو فضلت بالفلوس تسد جوعها أو الظروف مش قادر تتحملها
برضوا مسره ومستحيل تتخلى عن اللي بتحبه حتى لو ولادها بين أحضانها
مش مكنه تقدر توقفها ولا تقدر تتحكم فيها حتى لو بالضرب هاترجعها
الست بتعيش بمزاجها ولو عايزه تتطلق برضوا ماحدش يقدر يقف ف طريقها
.
تبقى ف سن الستين وعايزه شاب يعاكسها امال عامله اميل ليه عشان تعبر عن مشاعرها
لا يهمها نار ولا جنه المهم تحس انها لسه شابه والكل عايز يطلب أيدها
ادخل صفحتها هاتلاقيها كلها حب وغرام ورومانسيه وعن المتعه مستحيل تبعدها
فين وفين تذكر اللي خلقها وتصلي ع رسولها ومش عامله حساب ليوم ربنا فيه هايحاسبها
ريح نفسك وارحمها لا بكلمه حلوه هاترجعها ولا بالظلم والقسوه هاتكمل معاك مشوارها
يبقى ليه مهموم وحزين ومش قادر تبعد عنها وخايف تخسرها
خلي عندك كرامه ونخوه بدل ماتخونك ومش هاتقدر تتحمل الصدمه عشان بتحبها
وهي رافضه يبقى مافيش داعي تفضل عايش معاها وكل يوم مشكله بسببها
مش هاترتاح حتى لو بوست ايدها عشان حسنها وجمالها
وهي المسؤوله قدام اللي خلقها وتقدر تعالج أمورها
وعارفه مصلحتها وكل شئ بالمعروف زي ما ربنا أمرنا ومافيش داعي نخالف سكتنا
اللي خلقها خلق غيرها وكل واحد له واحده حتى لو جمعتنا عشره داخل بيوتنا
او العمر فات عليها وعدى هاتفضل دايما ست وحاسه بجمالها ع حساب مين مش موضوعنا
حتى لو غريبه ف تصرفاتها لكن حب جديد وشغل تفكيرها وفجاه بتتغير ملامحها حتى لو اتواعدنا
وف بينا كلام جميل وعشره لكن دا نصيب وربنا قادرهونا
وكله ع حسب نيتنا ربنا بيرزقنا طول ما احنا عايشين تفضل الحياه تعلمنا
فجاه نفرح وفجاه نندم ع سؤ اختيارنا مش شرط أهل وأصحاب لا كمان داخل بيوتنا
عشان تركنا دينا وربنا بيعاقبنا حتى ف زوجتنا وأزواجنا ونفضل نبكي ع حالنا
لحد ما الموت يفجئنا ونبتدي مرحلة تانيه يانار ياجنه واحنا اللي بنحدد طريقنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا..
الشاعر طاهر مختار عتيت
شاعر العصر....تحيا مصر
طنطا...كفر الزيات....اكوه الحصه
ليست هناك تعليقات:
إرسال تعليق