***علمونا***
************
اعتقد ان هذه الكلمات لن تروق لأصدقائي لأنها اسلوب جديد بالنسبه لكتاباتي ولكنها مجرد خواطر عابره وباب إبداء الرأي والحوار بيني واصدقائي مفتوح للنقاش***
******************
علمونا واحنا صغار
علمونا في البدايه
حروف الهجاء
وعلمونا حروف النداء
وايه معنى التمني
وايه معنى الرجاء
علمونا ازاي نقرأ
وازاى نرتل القرأن
وعلمونا ازاي نصلى
ونسبح الرحمن
علمونا الصدق
وايه معني الوفاء
علمونا لا تخاف ولانكدب
علمونا نقول الحق
واللي يزعل يطق
علمونا ايه معنى الحوار
نتناقش نتحاور
ونحترم الكبار
علمونا معنى الحب والصداقة
ومعنى الوفاء
والعهد دايما حق أمام الرحمن
بس النهارده كل شئ اتغير
بنعيش زمن يحير
الاخ يقتل أخته او اخوه
والابن يقتل امه أو أبوه
والصديق للعهد غدار
حتي الحب
ينتهى بالغدر في أول المشوار
وبقيينا عايشين من ضياع لضياع
كل شئ بيتغير
وبقينا عايشين في زمن يحير
بعد ما كل شئ فينا اتغير
علي فين يادنيا واخدانا
يارب نجينا
وخليك دايما معانا***
Taha Elgendy
بقلمى
طه الجندى
ليست هناك تعليقات:
إرسال تعليق