****** غربه مشاعر *******
الغربه مش بس غربه وطن
الغربه روح جوه حضن الشجن
غربه مشاعر .....مين بيك كان شاعر
مين كان معاك مين ف وقت المحن
كان قلبي فارد جناح الهوا
للحب عاشق نكون يوم سوا
مشيت طريق وانا كلي حنين
لقيت حبيبي دمعلي العين
كان قلبي نبضه ...ساكن ف أرضه
ساقيته حب وسقاني أنين
الغربه مش بس ف أراضينا
دي الغربه يوم ما ننسي بعضينا
عايش ف غربه وانا وسط الناس
مش لاقي قربه ومفيش إحساس
ما بين حنيني ...زادوا ف أنيني
ليهم عشانهم ياما دوقت الكاس
الشاعر / عرفات فرج الله بلبل
ليست هناك تعليقات:
إرسال تعليق