أسيره الصمت (308)
..................
نسيتني معاك
كل مشاعري
دوبني هواك ..
والفرحة إترسمت جوايا
ده حبيبي ملاك ..
أهرب من شوقي لشوق
تاني وفى حضني لقاك
وأستنى ميعادك على ناري يرويني هناك
إتغير همس الليل فجأه
لا بقيت حساك ..
وتقرب مني
أنسى وجودك
أنا مش شيفاك
الهمسه وبردت أحاسيسها وكرهت دفاك
مش عارفه أنا أيه
غير حالي والقلب جفاك
وعيوني ليه عايشه في
حيره بتقولي أنساك
معموللي بهجري وحرماني ولاأكون جواك
وأهد في حلمي اللي بنيته وأبيع في هواك
ودموع القلب بترويني أحزان أشواك
قدروا يفرقوا يسحروا
بينا بحروف نهايات
مش قادره إن أنا أقراك
تاني ولا عدت ملاك
مغصوبه أعيش صمتي
لوحدي شارده أنا جواك
ولا عدتش فاكره ليالي
شهدك ولا همسي معاك
محرومه أحس بأنفاسك
وأنا فين وياك ..
أنا مين وأنا ليه مش فكراني طفوا ضي ضلام
وشموعي بدمعي خلاص
دابت ما بقيت شيفاك
والصمت أسرني أنا جوايا بركان وهلاك
بقلم .. صبري رسلان
ليست هناك تعليقات:
إرسال تعليق