كعبه الاوطان
مولوده من كام الف عام
على ارضها وقف الزمان
وف حبها خلصت انا كل الكلام
وف كفها سقتنى انا كل الحنان
يا ام ابتسامه زى البدر
يا ام المقام عالى
ياكعبه الاوطان
يا صبيه شبت وكبرت قبل الاوان
كتب النسيم على ضيها واحه امان
يا عتمه الليل ارحلى
قبل ماتشرق عيون حبيبتى
قناديل تنور من خدها كل البيبان
يا كعبه الاوطان
ياباب محبه مفروش لكل الطيبين
ياحضن زى الربيع بيساع كل الجيران
سار المسيح على ارضها والكون وقف
عزف الكمان لحن الخلود ونهايه العدوان
يا كعبه الاوطان
والليل بيغنى عالارغول غنوه سلام
وكلمه مصر تسمعها تعشقها كل الودان
كل اللى ماشى على رجلين وشافها يقول
انا مصر عندى كعبه الاوطان
متجمعين جوه الجوامع والكنايس
الايادى السمرا الحره حتى العجايز
وقت الخطر ابن مصر الحره
معدنه بيبان
يا كعبه الاوطان
بقلمى
/ رضا البوشي
ليست هناك تعليقات:
إرسال تعليق