........شوفي بقلبك.......
شوفي بقلبك يامنى قلبي
قالت إله الحب متخبي
قولي يروحي ممكن أعرفو
قالت م ظني بعتقد صعبة
حكيلي قوليلي شوي عنو
قالت بالدني مافيه منو
مالك حواسي كليتا ﻷنو
بقلبي زارع ورود المحبة
إسمعيني جاوبي وردي عليي
مدامو الحب جوهرة القضية
وﻷنو هاﻷمر مختص فيي
زيتاتك ع نار الحب صبي
حرقيني دوبيني بي غرامك
إرشقي قلبي المتيم بسهامك
مدامو أنا فارس حﻻمك
افضحي الموضوع وأوعا تخبي
خلي الدني تعرف هالحقيقة
ونعلن حبنا عا كل الخليقة
كل يوم وكل ساعةوكل دقيقة
بدي إعشقك وحياة ربي
بقلمي
الشاعر عيسى وسوف باظة
ليست هناك تعليقات:
إرسال تعليق