بعد الفراق
أنا الشاكى الباكى الراحل
اللى نايم وراقد جنب النيام
كل حته في جسمى تبعتلك تحيه
كل دقه في قلبى تبعت 100 سلام
وإنتى جايه بتزورينى
روحى بترد فيا
بتفكرينى بأحلى دنيا واجمل الايام
النهارده عيد ميلادك
كل عام وأنتى بخير
كل عام منقوش على وشك الابتسام
فاكره اول عيد ميلادك
فاكره اول مره شفتك فيها
اول كلمه ساعتها قولتها لك
والا الزمان نساكى كل اللى فات
وبقيت في قلبك
حبه صور على ذكريات
إوعديني انى في يوم
ما يدق قلبى ويحب تانى عليا
أنا اخر حاجه سمعتها أنفاسك
وصورتك كانت اخر حاجه
قدام عنيه
صدقينى لو كنت ارجع للحياه تانى
ما كنتش أختار لقلبى حد غيرك
م اللى شافه معاكى قلبى في الليالى
كل الورود تتفتح بين ايديكى
والخيال يصبح حقيقه
واذكريني في كل ساعه من حياتك
خلى قلبك يفتكرنى في كل دقيقه
واذكريني لما الدنيا تبقى عليكى صعبه
واذكريني لما تبقى طايره م السعاده
والاحلام واخداكى لفوق السما
واذكريني وانتى صاحيه وانتى نايمه
في كل حاجه كانت حلوه بيننا
وافتكرينى زى ما انا فاكرك
تمللى بعد الفراق
بقلمى /رضا البوشى
ليست هناك تعليقات:
إرسال تعليق