ليل الغربة
يا ليل الغربة ياللي
جواك سواد ساكني
خدت مني كل عمري
وبعد عمري إيه فاضلي
علمتني الغربة أخبي
كل أحزاني ف قلبي
واللي كانو بيحسو بي
البعد نساهم ملامحي
والاتصال بيزيد ف جرحي
وعيوني تبكي غصب عني
عاللي راحو ياغربة مني
الفراق زي اللقاء سكين
بيدبح ونار تاكلني
دايما بسلم وماشي ف ضلي
م المطار للمطار وعيون
حبايبي بتعاتبني
حزن ساكن جو بنتي
وهم عشش جو إبني
ياليل الغربة خلص
الحكاية وبسرعة لخص
ماعدتش باقي الا ضلي
ياليل الغربة ياللي
سيدحجازي
ليست هناك تعليقات:
إرسال تعليق