مشتاقه لك
بقلم الشاعر. احمد حمدي شمعه. مصر
لما ييجي الليل يليل
ببقى نايمه مشتاقه لك
برمى نفسى جوه حضنك
بنسى كل الكون عشانك
شايفه نفسي كأني ملكه
بس مربوطه بحبالك
بمحى كل الحزن منى
وبتاخدنى بحور جمالك
ويا كل الناس قويه
بس بتحول قبالك
ببقى عصفوره وضعيفه
إنما بقى شاغله بالك
ببقى كل الدنيا عندك
ببقى كل اللي فى خيالك
لو جابوا لي الكون ده كله
لو ميتين مليون بدالك
إنت بس اللى بحبه
وإنت وحدك مشتاقه لك
ليست هناك تعليقات:
إرسال تعليق