قوليلي يادنيا
من ديوان دموعي علي القمر
جلال محمد
..........
إسمحيلي يادنيا أسألك
ليه سنين الأسيه
أكترمن أيام الفرح والحنيه
ليه يادنيا معنداني
بالهم وسقياني
قوليلي يادنيا
هومفيش غيري أدامك
طب ما الناس كتيرحواليا
عليهم إرمي أسوتك شويه
وخليكي بعيده عني حبتين
والله تعبت م الأسيه
مش مكتوب لي فيكي سعاده ؟
ولاهي كتيره عليا
وزي العاده المُر بزياده
ممكن عليكي أقترح
ماتديني شوية فرح
علشان قلبي من نحيتك ينشرح
دا أنا برده إنسان
ومش هقبل أكون شئ
تاني غيرإنسان
وإن كان علي الجرح
إللي راح
أهوراح مع إنبارح
وعتمتك راح أنساها
وشمس النهارهمشي معاها
هتقبلني وتفهمني وتعرفني
إن أنا إنسان
ومش هقبل منك تاني ألام
ومش عاوز أعيش ف الأحزان
نفسي أعيش ف الأفراح
زي أي إنسان
.............
2021/6/4
ليست هناك تعليقات:
إرسال تعليق