( ارحل عني )
بقلم
محمد عباس
حد بيكايدني حد بيكذيني
حد بيحاسدني حد بيراقبني
الرد في جملة واحدة
قربك مني تاعبني
لاعايز منك حاجة
ولاطبعك هيناسبني
م الاخر فضها سيرة
ارحل واهجر وسبني
يمين وشمال راصدني
عينك ناظرة وصيدني
هدمت اسرة كاملة
ايه تاني راح يصيبني
لغز و زنزانة حرة
وتبان فرحة ومضرة
اسير وحدي بعاني
من ناس مكنتشي سارة
دعيت رب البرايا
يحفظني من كل غاية
يرزقني طريق الهداية
يبعد عني المرايا
منك وبيحكي عنك
كل اللي فاكره انك
جرحته في يوم وقلت
عدوك زي خلك
طريق الشر ساري
والخير نادر و غالي
وليف عايز يهدك
وبينسي كل ودك
قلوب قاسية وعتية
عايشة حياتها رزية
ترفع ضدك قضايا
وتقول حقي بمية
نفوس بالية وشجية
شيفين صورة وردية
نسيين يوم الحساب
هنكون افراد سويا
قصة تحتاج روية
تنفع تكون هدية
واقع مؤسف فظيع
لفيلم وتمثيلية
فكر تختم حياتك
راجع سيرة لذاتك
احسن ظنك بالله
كفر عن سيئاتك
تاريخك ذكرياتك
كتاب يرصد حياتك
ولامال وعيال هينفع
جبرالخاطر نجاتك
الله اكبر كبيرا
اشرار حاقدين وغيرة
زفة واكبر مسيرة
ويا الطامة الكبيرة
بقلم
محمد عباس
الاسماعيليه مصر
من ديواني
سكة سفر
ليست هناك تعليقات:
إرسال تعليق