.......(أول وأخر مره).......
أنا مدري عشقتك ....ليش ؟
سؤال أسأله نفسي بكل مره
سؤال يتردد بخاطري دوما
ثقيل الرد تخنقني به العبره
فيه أحتار و تتلعثم لساني
وتتنهد خفوقي منه بالحسره
لاني ماأظن عشقتك....طيش
لكن ماكان لي بالعشق فكره
كنت أظن في العشق راحه
مثلماكنت اسمع ذوي الخبره
مثل قيس وليلى بنت الملوح
وقصه عبله ذي عشقهاعنتره
وأثار الزمن أختلف بكل ناسه
وتغيرت بالعشق ذيك النظره
عشق هذا الزمن جروح وألم
لأنه صار مجرد كلام وهدره
مجرد رسائل و هدايا أعياد
وعروض من معارض الشهره
عشق يتغير ويتبدل كل يوم
يعني عشق هاليوم غير بكره
عشق خالي من كل أحساس
ولا يصير تعتمد علية عشره
لذا أنا مدري عشقتك ..ليش
ولاكيف جائت لي ذي الفكره
غلط اندم عليه كلما تذكرته
لأنك ما تستحق مني العبره
كثروهمي صنع منك محبوب
وانت ماتسوى من غرامي ذره
لأنك أناني تحب بس ذاتك
ومالك على حمل الهوى قدره
عمى عيوني كثر تفكيري بك
وقلبي ذي ماعرف قلبك ومكره
كنت اظن الناس بالوفاء مثلي
تحب بكل أخلاص و لا تكره
لكني طلعت غلطان في ظني
وصرت أتمنى لوماعرفتك بالمره
بعد هذا الجرح ذي تحملته
وغلب روحي منك وكثر صبره
محال محال بعشق من قلبي
او تعود الى فكري ذي الفكره
محال اسمح لمن طبعه مثلك
يراودني أعاود بالهوى الكره
لأني كرهت العشق من عشقك
و عشقك كان أول وأخر مره
✍️أبورأفت إبراهيم الشعراني
ليست هناك تعليقات:
إرسال تعليق