مرايتي
شاعرالعاميه جلال محمد
..............
بصيت ف مرايتي
لقيتني مش عارفني
لاداشكلي ولادي ملامحي
حتي أنا مش أبيض
أنا لوني قمحي
وعيوني سمراويه
مش عسليه
قولت ف نفسي معلهش
حكم السن متزعلش
إتأملت
في المرايه أكتر
لقيت ف وشي
بانت التجاعيد
وبان البياض
قوي ف شعري
قولت ياه
للدرجه دي العمربيجري؟
ظهرعليا الكِبَرَ وبان عجزي
قعدت شويه مع نفسي
وإفتكرت إني
معشتش طفولتي
بكيت بحُرقه
ونزلت دموعي
حرقت خدودي
وناديت بأعلي صوتي. يارب
إرحمني وقت ضعفي. يارب
متجعلنيش
تقيل علي حد
وخفف حسابي في قبري
ويارتني كنت
بصيت من زمان في مرايتي
علشان ألحق أراجع نفسي
قبل العمرمايعدي
ومخلهاش تعرف الطمع
وتبعدشويه عن الجشع
..........
2021/8/15
ليست هناك تعليقات:
إرسال تعليق