مابقتش فارقة خلاص
مابقتش فارقة خلاص
نبقى او نرحل ماعدش خلاص
ضاع الود والإخلاص
وقلوب ضميرها مات
وعجايب في كل الروايات
والمنهج والأخلاق مالهم حساب
والحب نزل المزاد
إحجز ياطالب الوداد
اشتري شويت فُتات
الحب يابن الناس
بقى سلعة في الطرقات
اتعود تكون خلاس
تشتري وتبيع ببلاش
وخلي قلبك حوايه
اليوم فارغه وبكره مليانه
مهي اصل الحكايه
زمن بلا أمان والكل في التوهان
وسافرت الأرواح من
قلوب نبضها سواح
خاليه من الإحساس
والنبض لمريض عطشان
بيدور في جنس الأوهام
تعالى اشربلك كاس
وانضم للخلاس
الحب ماعدش خلاص
غير سم وخمر في كاس
لو قلبك لسه تمام
تبقى عبيط وغلبان
وعايش في حب زمان
لازم تكون حيوان
وتنسى انك إنسان
وتحب على الشات والمشتوت
وبالتوك توك تعيش مبسوط
خليك آون لاين وعدي وفوت
ولو مش عجبك ياكتكوت
احجزلك تابوت
وعجبي على زمن مقلوب
فيه الأصيل مكسور محصور
والسفهاء بقوا اصحاب قصور 🎻🎻
بقلم العبد الغلبان لله
بلال سامي الديب
ليست هناك تعليقات:
إرسال تعليق