بتاريخ 18/9/2021
بحبك يا (........)
بقلم الشاعر المصري
أحمد إبراهيم النجار
بعيش الحلم ف عنيكِ
برغم البُعد والمكتوب
بعيش أجمل لياليكِ
وانا ف عنيكِ دايب دوب
يا غنوة جميله ع الأوتار
وأنا العاشق لياليكِ
فى بحر عنيكِ أنا البحار
وأنا الساكن خطاويكِ
وأنا الحابب وأنا المحبوب
بحبك حب مش موجود
فريد النوع فى تكوينه
يا عطر الورد وأجمل عود
يا توأم روح
يا بدر الكون فى تشكيله
يا بدري العالي يا قمره
يا ساحرة القلب يا مُهرة
أنا العاشق جمال ننك
وقبل العشق أنا أمسك
وأنا بكرة
بتخطفني عنيكٍ سنين
وأنا إللى أسير جمال نورك
وأنا الساكن فى حضن حنين
لأنا قيس ولا عنتر أنا أكتر
ولا انتِ عبله أو ليلى
جمالك انتِ ده سكر
وأنا العاشق ومجنونك
أنا فارس على بابك
وأنا المكتوب في أوراقك
ده قبل العشق من زمني
أنا الدايب على اعتابك
يا أجمل عُمر يا عُمري
يا أجمل مرأة شرقيه
شباك رمشك
بتخطفني بحنّيه
وسحر عنيكِ بحر حنين
وموج هادي وأنا السابح
على شطك وأنا شوقك
وأنا حُبك يا نور العين
وقبلك كنت متغرب
ولا عارف لفين أهرب
لقيتك وطني فى عنيكِ
حبيبتي يا أغلى من روحي
يا بلسم هادي لجروحي
يا ريحة المسك والعنبر
ولا بقدر على بعدك
أنا نبضك وانا روحك
وأنا عشقك وأنا الساكن
وطن فيكِ بحبك يا (......)
بقلم الشاعر المصري
أحمد إبراهيم النجار
ليست هناك تعليقات:
إرسال تعليق