راجع اكيد؟؟
اكيد راجع ..
وح اطرح من سنين عمري..
سنين حبك
وح انسي انى حبيتك
وننى القلب كان بيتك
ولا عمرك ح تبقى الاه
ولا ابدا ف يوم ح اركع
اكيد ح ارجع
اكيد زعلان من قلبي
لأنى عرفت متأخر
وهمت القلب بخداعك
وطعم الوهم بيخدر
لكن بسهوله صدقنى
لقيت حبك بيتبخر
وطعم الملح فى دموعى
بقي احلى من السكر
كتبت حروف شعري
وانا طايع
اكيد راجع
دموعى اللى انت شايفها
دموع فرحه ..ماهيش احزان
غسلت القلب انا منك
وداب الهم فى النسيان
وقلبى...أه...
اللى كان اكبر م الدنيا
بقي صغنتوت
وصوتك مهما يند ه لى
ها سد القلب ..مش سامع
اكيد راجع
اكيد راجع
بقلمي
حمدي البوقي
ليست هناك تعليقات:
إرسال تعليق